Espainiako Konstituzioko 155. artikulua baliatuta, atzo iluntzean agindu zuen Barne ministroak mossoen burua kargugabetzeko. Aurrerantzean, ministroak Ferran Lopez izendatu du mossoen buru. Josep Lluis Traperoren bigarrena izan da orain arte Lopez. Traperok berak haren ordezkoarenganako "konfidantza eta leialtasuna" eskatu die mossoei gutun batean, eta baita aitortu ere batzuetan eskuta zaien ahalegina ez dela "behar bezala ordaindua" izan.
Mossoek lasaitasunerako deia egin dute Twitterreko bere kontuaren bidez, eta adierazi dute aurrerantzean ere "herritarren segurtasuna" izango dutela lehentasun.
Protegir i garantir la seguretat de les persones és la nostra prioritat.
— Mossos (@mossos) 2017(e)ko urriak 28
Continuem treballant amb normalitat pic.twitter.com/qFi4KQSoKf
Traperoren kargugabetzea ez zuten atzo aipatu 155.aren barruan hartuko zituzten neurrien artean. Bai, aldiz, beste batzuk. Besteak beste, Cesar Puig Barne sailburuarena eta mossoen zuzendari Pere Solerrema.
Traperoren aurkako ekinaldiak, baina, ez dira berriak. Auzitegi Nazionalak deklaratzera deitu zuen mossoen burua, irailaren 20an eta 21ean Katalunian egindako protestetan segurtasun indarrek izandako jarrera dela eta. Egun horietan Generalitateko hainbat goi kargudun atxilotu zituen Espainiako Poliziak, Anubis operazioan.
