Kataluniako erreferendumari babesa emateko sortu zuten Let Catalans Vote ekimena, eta gero eta gehiago dira hari babesa eman diotenak. Raul Romeva Atzerri gaietarako kontseilariak azken orduetan zabaldu duenez, Jody Williams, giza eskubideen aldeko ekintzaile estatubatuarra eta Bakearen Nobel sariduna, da horietako bat. Espainiako Gobernuari "demokraziaren aurka" egotea egotzi dio hark eta ohartarazi haren ekintzek "kontrako eragina" dutela.
Williams ez da, hala ere, erreferenduma babestu duen bakarra. Harekin bat egin du, baita ere, Susan George filosofo frantziarrak. Hark dio independentziaren inguruko galdeketa batean berak ezezkoa bozkatuko lukeela, baina zehazten du katalanek beren iritzia adierazteko eskubidea dutela, eta erreferenduma dela horretarako modurik "demokratiko, eraginkor eta barneratzaileena".
“The Spanish government’s attitude is anti-democratic and repressive”. Philosopher Susan George joins the manifesto “Let Catalans Vote”. pic.twitter.com/7JMZGvvnZH
— Exteriors Catalunya (@exteriorscat) 2017(e)ko irailak 22
