PP, PSOE eta UPDren botoekin (276), Espainiako Kongresuak Kataluniako Generalitatek autodeterminazio erreferenduma deitzeko eskumena izatearen aurka bozkatu du gaur arratsaldean. ERCk aurkeztu du galdeketaren aldeko legez besteko proposamena; eskumena urte erdi baten buruan igortzeko eskatu du ERCk.
Proposamenak aldeko 42 boto jaso ditu: ERCrenak ez ezik, CiU, EAJ, Amaiur, BNG eta Izquierda Pluralenak.
Abstentziorik ez da izan.
Duela bi aste Kataluniako Parlamentuak, gehiengo handiz, Generalitateari datorren legealdian autodeterminazio galdeketa deitzeko eskatu zion. Azaroaren 25ean izango da hauteskundeak.
