"Ez daukat inolako ardura zuzuenik egunotan ateratzen ari diren informazioekin, baina ardura politikoa badaukat", esan du Esperanza Aguirrek. Horregatik, Punica operazioa-ren ostean PPren egoitza miatu duten aste berean, Madrilgo PPren presidentzia utzi du.
Genovan prentsaurrekoa eman du, aurretik iragarri gabe, eta kargua utzi du, jendeak "keinuak" nahi dituela argudiatuta. Hala ere, bereari eutsi dio, eta behin eta berriz esan du berak ez duela inolako zerikusirik ustelkeria kasuekin.
Madrilgo PPrekin lotuta eta Punica operazioaren barruan aste honetan publiko egindako informazioak larriak direla esan du Aguirrek. Bera inondik ere ezingo dutela inputatu esan du, garbi dagoela, baina "ardura politikoa" baduela.
Aguirrek erabakiaren berri eman dio Rajoyri, komunikabideei iragarri aurretik, eta honek onartu egin dio dimisioa, "ulertzen zaitut", esan dio.
Alderdiaren legez kanpoko finantzaketa aztertzen ari dira Punica auzian, eta espetxean dago Francisco Granados. Grabados Madrileko PPren idazkari nagusia izan zen, Aguirrek berak izendatuta.
