Turkia
Estrasburgoko Auzitegiak Turkia kondenatu du, eta Ocalan berriz epaitzeko eskatu
Turkiak Abdula Ocalan PKK-ko buruzagiari (Kurdistango Langileen Alderdia) egin zion epaiketa ez zela "zuzena" izan iritzi dio Estrasburgoko Giza Eskubideen Auzitegiak, eta beraz, herrialde hori zigortu eta epaiketa berriz egiteko eskatu dute. Ocalan Kurdistango independentista da, eta bizitza osorako kartzela zigorra betetzen ari da, "traizioa eta 30 lagun baino gehiago hiltzea" leporatuta.
Abdula Ocalan 1999an atxilotu zuten, eta hasiera batean heriotza zigorra jarri bazioten ere, lege hori aldatu zutenean bizitza osorako kartzela zigorra jarri zioten. Estrasburgoko Giza Eskubideen Auzitegiak, Turkia kondenatu du orain, Ocalani egin zioten epaiketa ez zelako justua izan. Auzitegiaren iritzian, Ocalan ez zuen auzitegi neutral batek epaitu, eta beraz, epaiketa berriz egiteko eskatu dute.
Iruzkinak
Ez dago iruzkinik
Ordenatu
