Haserrea da nagusi Bartzelonako kaleetan. Herritarrek bozen bidez aukeratutako ordezkarietako batzuk erbestean eta besteak espetxean daude. Hori nahikoa ez, eta orain arte egindako inbestidura saio guztiak eten egin ditu Espainiako justiziak, hautagaiak auzipetuta eta prozesuan parte hartzeko baimena ukatuz. Azken kasua izan da Jordi Sanchezena. Hark baimena eskatu zion Pablo Llarena epaileari inbestidura saioan parte hartzeko, baina ezezkoa jaso zuen.
📷 La capçalera avança a poc a poc. El Paral·lel de Barcelona ple a vessar! 💪 No veiem el final 💛 #UsVolemACasa! pic.twitter.com/eelwIcETcT
— Assemblea Nacional (@assemblea) 2018(e)ko apirilak 15
Amorrua baliatuta eta bizi duten egoeraren oihartzuna nazioartera helarazteko asmoz, manifestazio jendetsua antolatu du ANC Biltzar Nazional Katalanak eguerdirako. 12:30ean hasi da martxa, baina asko izan dira ordua baino lehenago hirira gerturatu direnak. Tartean Roger Torrent Parlamentuko presidentea. Hark ohartarazi du elkarrekin aurrera eginez gero, inork ez dituela geldiaraziko. "Demokraziaren oinarriak arriskuan jarri ditu Espainiaren atzeraldiak".
"Etxean nahi zituztegu", hori da manifestazioaren lelo nagusia. Martxak dagoeneko bete du Paralel hiribidea, eta jendeak iristen jarraitzen du. Helburu nagusia da preso politikoak askatzea eta erbestera joan behar izan dutenak etxera itzultzea. Gogor salatu du bizi duten testuingurua ANCko presidente Elisenda Paluziek: "Preso politikoak ditugu, erbesteratuak eta ehunka jazartu. Gaur Kataluniako gizartea kalera irten da demokraziaren eta erabakitzeko eskubidearen aldeko defentsan".
.@JoanTarda@Esquerra_ERC "Gaurko manifestazioa arrakastatsua izango da. Dozenaka mila kataluniar ez daude prest kriminalizatuak izateko" @assembleapic.twitter.com/eXe6WZIlBD
— Berria.eus (@berria) 15 de abril de 2018
Han da baita ere EH Bilduko ordezkaritza. Jon Inarritu senatariak salatu du Kataluniako testuingurua desberdina izan rren, Espainia han aplikatzen ari den neurriak, urteetan Euskal Herrian ezarritako berak direla.
Jon Inarritu (@ehbildu ): "Euskal Herrian ezarritako sistema bera ari dira Katalunian aplikatzen" @assembleapic.twitter.com/H6q1dOKKMR
— Berria.eus (@berria) 2018(e)ko apirilak 15
ANC autobusak ere antolatu ditu Bartzelonara joan ahal izateko, eta asko izan dira garraiobide hori baliatu dutenak. Antolatzaileen arabera 900dik gora autobus heldu dira Bartzelonara manifestaziora zihoan jendea eramatera.
@ANCAltUrgell en marxa!!! @assemblea reclamem llibertat, justícia i #RepúblicaÉsLlibertat#UsVolemACasapic.twitter.com/PepDwJrOQ9
— ANC Alt Urgell (@ANCAltUrgell) 2018(e)ko apirilak 15
Junqueras eta Sanchez deklaratzera
Auzitegi Nazionalera eramango dituzte bihar goizean Oriol Junqueras presidenteordea eta Jordi Sanchez presidentegaia, bertan Pablo Llarena epaileak jakinaraziko dizkie haiek auzipetxeko arrazoiak. Datozen egunetan gauza bera egingo du gainontzeko auzipetuekin ere.