Zirraragarria izan zen Ingalaterraren eta Italiaren arteko Eurokopako finala, baina ez denentzat. Partida jokatzen ari zen bitartean, Twitter bidez ehunka lagunek eskaini zizkieten euren etxeak aterpe bat behar zuten emakumeei. Kate Flood izan zen horrelako mezu bat zabaldu zuen lehena, partidak, eta, bereziki, Ingalaterraren porrotak eragingo zituen indarkeria matxista kasuak aintzat hartuta. Floodek berarekin harremanetan jartzera animatu zuen genero indarkeriak «beldurtzen edo kezkatzen» zuen Londresko ekialdeko edozein emakume. Mezuan, gainera, gainontzeko emakumeak gauza bera egitera deitu zituen.
any women in east London worried about DV tonight DM me we give u an alibi to stay at ours and join for afters (obv we have limited space but if any other women can offer same safe space pls do)
— Kate Flood (@KateFlood) July 11, 2021
Erabiltzaileek kezka erakusteaz gain, babesa eskaini zieten behar zuten emakumeei. Kelly Whitek, esaterako, Kate Flooden mezuari zera esanez erantzun zion: «Nottingham hiritik gertu dauden emakumeak, ni ez nago oso urruti, gau osoan egongo naiz ikuskatzen. Ez dut leku handiegirik, baina moldatuko gara. Eskerrik asko, Kate, sare sozial honi beharrezkoa den erabilpena emateagatik». Beste erabiltzaile batek hegoekialdean zegoen edozein emakume gonbidatu zuen bere etxera, azaldu zuen gela handi bat zuela eta uber zerbitzua ordaindu zezakeela.
Any women near Nottingham city, I’m not far away DM me, I’ll be checking throughout the night. Don’t have a huge amount of space but we can make it work. Well done Kate for a truly inspired use of this site xx
— Kelly White (@kelly_white_2) July 11, 2021
Futbol partidek indarkeria matxista arriskua areagotzen dutela ondorioztatu dute London School of Economics-en argitaratutako ikerketa batean. Datu horiekin eta Eurokopako finalarekin lotuta, NCDV Erresuma Batuko Etxeko Indarkeriaren Nazioarteko Zentroak kontzientziazio kanpaina bat jarri zuen martxan Ingalaterraren eta Italiaren arteko finala baino zenbait aste lehenago.
Kanpainaren baitan, hainbat mezu zabaldu ditu erakundeak sare sozialetan azken asteotan: «Nobody is willing our teams to win more than her» —Inork ez du berak baino gehiago nahi gure taldeek irabaz dezaten— eta «If England get beaten, so will she» —Ingalaterra jotzen badute, bera ere bai—, adibidez. NCDVk jakinarazi duenez, Ingalaterrak jokatzen duenean indarkeria matxista %26 hazten da da, eta partidaren bat galtzen duenean, %38. Horregatik, kanpainak zabaldu zuen «mundu guztia» ez zegoela atzoko «partida iristeko irrikan».
Erakundearen arabera, «emakumeek indarkeria eta abusua jasaten dute egunero bikotekideen eta bikotekide ohien eskuetan», eta «futbola erasoak egiteko aitzakia gisa erabiltzen da».
Not everyone is looking forward to the match today... instances of #domesticabuse increase 26% when England play and 38% if they lose. #EURO2020#DomesticAbuseAwareness#DomesticViolenceAwarenesspic.twitter.com/LqOoCLdDwh
— NCDV - National Centre For Domestic Violence (@NCDV_Official) June 13, 2021
Horrez gain, Ingalaterrako zenbait aktore eta musikari ospetsuk indarkeria jasan duten biktimei laguntzeko zenbakiak partekatu dituzte sare sozialetan, eta haien jarraitzaileei «euren burua zaintzeko» eskatu.
08082000247 National Domestic Abuse Hotline
— Maisie Williams (@Maisie_Williams) July 11, 2021
08001111 Childline
08081689 111 Victim Support
Please be safe this evening ðŸ¤ÂÂÂÂ
Milaka zaletu elkartu ziren atzo Londresko kaleetan eta tabernetan, eta istiluak sortu zituzten batzuek. Besteak beste, hainbat zaletu sarrerarik gabe Wembleyn sartzen saiatu ziren, eta botilak eta bestelakoak jaurti zituzten.
