Jose Manuel Durao Barroso Europako Batzordeko presidenteak jakinarazi du "gertu-gertutik" zainduko dutela Errumania, demokraziaren aurkako neurriak hartuko ez dituela frogatzeko. "Victor Ponta lehen ministroak idatziz berretsi du Bruselak eskatutako neurri denak beteko dituztela", esan du Barrosok.
Zuzenbide estatua eta Justiziaren independentzia bermatzeko eskatu dio Europako Batzordeak Errumaniari. "Konpromiso horiek errespetatu eta ezarri egin behar ditu".
