Sei hilabeteko honetan Irlandak dauka EBk lehendakaritza, eta, hain justu, estatu hartako Europako Gaietarako ministroak adierazi du Europako Konstituzioa onartzeko negoziazioak amaitzear direla, eta "oso giro onean" egiten ari direla.
Dena den, oraindik puntu batzuk guzitz zehaztu gabe daudela agertu du: besteak beste, gehiengo kualifikatua definitzea, Europako Batzordearen osaketari buruzko azken testua zehaztea, Oinarrizko Eskubideen Itunak izango dituen inplikazioak argitzea eta euroaren egonkortasuna bermatzeko hitzarmenaren aplikazioa zehaztea.
Dick Rocheren adierazpen horiekin, Konstituzioaren onarpena hurbil dagoela ematen du. Urrunago dago, ordea, Europako Batasunek goi bilera honetan ebatzi beharreko bigarren gaia: Europako Batzordeko hurrengo lehendakaria, Romano Prodiren lekukoa hartuko duena, nor izango den erabakitzea.
Europako Batasuneko goi bilera
Europako Konstituzioaren negoziazioa "azken fasean" da, "oso giro onean"
EB Europako Batasuneko estatuburu eta gobernuburuak Europako Konstituzioa onartzeko negoziazioen "azken fasean" daude, Dick Roche Irlandako Europako Gaietarako ministroak jakinarazi duenez. Elkarrizketak "oso giro onean" egiten ari direla nabarmendu du. Agi denez, zailtasun gehiago dituzte Europako Batzordeko hurrengo presidentea nor izango den erabakitzeko.
Iruzkinak
Ez dago iruzkinik
Ordenatu
