Espainiako Kongresuko agerraldian egin du iragarpena Zapaterok. Galdeketa ahalik eta lasterren egitea nahi duela esan du Espainiako Gobernuko presidenteak, eta legebiltzarreko talde guztiekin kontsultak hasiko dituela data egokiena zein den erabakitzeko. Halaber, gainerako indar politikoekin herritarren partaidetza handia bermatzeko formulak aztertu nahi dituela agertu du.
Erreferenduma egiteko presa justifikatzeko bi arrazoi eman ditu Zapaterok: batetik, hauteskunde programan gai horri buruzko galdeketa agindu zutela sozialistek, hain justu, herritarrengan "konfiantza" dutelako. Bestetik, Gobernuak uste duela Espainiari komeni zaiola Espainiako Konstituzioa berresten lehendabiziko estatuetakoa izatea. "Europaren osaketan giltzarria izango den fase honetako lehen protagonisten artean egon nahi dugu, eta gure adibidearekin eszeptizismo jarrerak borrokatu", esan du.
Europako Konstituzioa
Europako Konstituzioari buruzko erreferenduma egingo dute Espainian
Espainian Europako Konstituzioari buruzko errefernduma egingo dela jakinarazi du Jose Luis Rodriguez Zapatero Gobernuko presidenteak; "ahalik eta epe laburrenean" egingo dela gaineratu du. Hauteskunde programan gai horri buruzko erreferenduma agindu zuela azpimarratu du Zapaterok.
Iruzkinak
Ez dago iruzkinik
Ordenatu
