Nathaniel Gleicher Facebookeko segurtasun politikako buruak Twitterren zabaldu duenez, Facebookek segurtasun neurri berriak jarri ditu martxan, Afganistanen dituen erabiltzaileak babesten laguntzeko. «Gure taldeak lanean aritu dira eguneko hogeita lau orduetan, jendea seguru mantentzen laguntzeko», adierazi du txio batean. Eta gaineratu du «segurtasun neurri batzuk» ezarri dituztela afganiarrek «beren kontuak babes ditzaten».
2/ Over the past week, our teams have been working around the clock to do everything we can to help keep people safe. While we have to be careful to avoid tipping off bad actors, here are a few security measures we’ve rolled out for people in country to protect their accounts.
— Nathaniel Gleicher (@ngleicher) August 19, 2021
Facebookek aldi baterako ezabatu du Afganistango erabiltzaileen lagunen zerrenda ikusteko aukera, «jendea erasoetatik babesten laguntzeko». «Klik bakarreko tresna» ere jarri dute abian, eta, horren bitartez, Afganistanen daudenek aukera dute beren kontuak «azkar blokeatzeko». «Profila blokeatuta dagoenean, lagunak ez direnek ezin dute profileko argazkia deskargatu edo partekatu edo beren kontuko argitalpenak ikusi».
4/ We’ve launched a one-click tool for people in Afghanistan to quickly lock down their account. When their profile is locked, people who aren’t their friends can’t download or share their profile photo or see posts on their timeline. pic.twitter.com/pUANh5uBgn
— Nathaniel Gleicher (@ngleicher) August 19, 2021
Ez Facebooken bakarrik, Instagramen ere hartu dituzte zenbait neurri. Esate baterako, «pop-up alertak» zabaltzen ari dira Afganistanen, erabiltzaileen kontuak babesteko jarraibide zehatzekin. Horrez gain, Gliecherrek jakinarazi du sare sozialak «operazio berezien zentro bat» sortu duela «mehatxu berriei erantzuteko». Eta gaineratu du «gertutik» aztertzen ari direla egoera nola garatzen den, eta neurriak hartuko dituztela «jendea denbora errealean babesten laguntzeko».
13/ And we've stood up a special operations center to respond to new threats as they emerge. We know that no single step is enough by itself in crises like this, but we’re watching closely as the situation develops and will take steps to help protect people in real time.
— Nathaniel Gleicher (@ngleicher) August 19, 2021
Gleicherrek azaldu duenez, neurriak sortzeko kazetarien, erabiltzaileen, ekintzaileen eta gizarte zibileko beste kide batzuen gomendio eta aholkuei jarraitu diete. «Lankidetza estuan ari gara industrian, gizarte zibilean eta gobernuan ditugun beste alderdiekin, ahal dugun laguntza guztia emateko pertsonak babesten laguntzeko», adierazi du Facebookeko segurtasun politikako buruak.
