FARCek ez ditu askatuko bahitutako sei lagunak

BOGOTA. FARCek bertan behera utzi du sei bahitu askatzeko promesa. Kolonbiako bost polizia eta militar bat dira bahitutakoak. Gobernuak bahituak askatzeko hitzartutako gunea militarizatu duela salatu du FARCek. Juan Manuel Santos presidenteak, berriz, ukatu egin du horrelakorik. «Ez dakigu bahituak non dauden ere. Ez digute koordenaturik eman».