Venezuelako presidente Hugo Chavezek FARC gerrilla kolonbiarreko ordezkariak hartuko ditu, Kolonbiako Gobernuaren baimenarekin bien arteko bitartekari lanak egiteko. Hala iragarri du Kolonbiara bisita egin eta Alvaro Uribe presidentearen 7 orduko batzarra egin ondoren.
FARCek beren mende duen 49 bahituren askatasuna lortzea dute helburu harreman horiek. Trukean hainbat gerrillari preso lagako lituzke libre Kolonbiako Gobernuak. Bahitu horietako askok denbora asko daramate gatibu, zenbaitzuk 10 urte inguru.
Akordio lortzeko itxaropenez agertu da Chavez, baina, era berean, pazientzia eta zuhurtzia eskatu ditu.
ELN gerrillarekin ere negoziatzeko eskaini du bere burua Venezuelako presidenteak.
Mundua
FARCekin bitartekari lanak egingo ditu Chavezek, Kolonbiako Gobernuaren baimenarekin
Gerrillari presoak libre uztearen truke bahituak aska ditzaten ahaleginduko da. Venezuelan FARCeko ordezkariekin bilduko dela iragarri du.
Iruzkinak
Ez dago iruzkinik
Ordenatu
