ERCk nahi zuen Kataluniako Legebiltzarreko presidentea bere zerrendetan, eta haiek aurkezteko ekitaldia egin zuenean jakinarazi zuen gorde ziotela leku bat. Baina Carme Forcadellen beraren erabakia falta zen. Baietz erabaki du, abenduaren 21eko bozen ostean eratuko den legebiltzar berrian ere egon nahi duela.
"Herriarekin duen konpromiso baketsu eta demokratikoagatik" egingo duela azaldu du bere twitter kontuan. Nolanahi ere, legealdia amaitu arte perfil instituzionalari eutsiko diola gaineratu du.
Sempre he defensat pacíficament i democràticament el que crec millor per al meu país. Aquest 21D ho continuaré fent des de la candidatura d’@Esquerra_ERC.
— Carme Forcadell (@ForcadellCarme) 2017(e)ko azaroak 15
Oriol Junqueras alderdiko buruak gaur eman du ulertzera berak Marta Rovira nahi lukeela izatea Generalitateko presidente berria.
Forcadellek Auzitegi Gorenean deklaratu, Alcala Mecoko espetxean gaua pasatu eta bermea ordainduta atera zenetik egun gutxira eman zuen zerrendaren berri ERCk, eta orduan erabakia hartu gabe zeukan Forcadellek.
