Zoeren Ontzia gobernuz kanpoko erakundeko sei kide frantziarrei zortzi urteko kartzela zigorra jarri die gaur Frantziak, hauek aurrez zuten zigorra egokituta. Kide haiek Txaden urriaren 25ean 103 ume ateratzen saiatu ziren, Frantziara eramateko, eta abenduan Txadeko epaitegiak zortzi urtean behartutako lanak egitera zigortu zituen, haurrak bahitzen saiatzea egotzita, baina Frantziako Justizian ez dago behartutako lanei buruzko zigorrik, eta kartzelakoa jarri die.
Txaden kondena jaso ostean, sei haiek Frantziara eraman zituzten, hemengo presidente Nicolas Sarkozyk hala eskatuta.
Frantziako epaitegia ez da auziaren mamira sartu; "herrialdeko Justiziara egokitu du auzia", esan dute iturri ofizialek.
Zigortuek helegiteak sartzeko aukera dute orain.
Mundua
Frantziak zortzi urteko kartzela zigorra jarri die Zoeren Ontziko kideei
Txadek aurrez zortzi urtean behartutako lanak egitera zigortu zituen sei frantziarrak, haurrak bahitzen saiatzea egotzita, eta Frantziako Justiziak egokitu egin du kondena.
Iruzkinak
Ez dago iruzkinik
Ordenatu
