Frantziako Poliziak hogeiren bat "muturreko islamista" atzeman ditu bart, baina esan du operazioak ez duela zerikusirik Okzitaniako Tolosako eta Montaubango hilketekin. Nicolas Sarkozy Frantziako presidenteak adierazi du armak aurkitu dizkietela.
Hainbat herritan izan dira atxiloketak; gehienak, Naoneden (Bretainia).
"Gaur goizean gertatu denak jarraipena izango du", azaldu du Sarkozyk. "Operazio gehiago izango dira, eta Frantzian ezer egitekorik ez duen jendea kanporatu ahal izango dugu. Frantziarren segurtasuna bermatzea da lehentasuna".
Gobernuburuaren arabera, Okzitaniako hilketak "pixka bat 2001eko irailaren 11koak bezalakoak" izan dira Frantziarentzat.
Mohamed Merah izan zen hilketa horien egilea, hark aitortu zuenez: hiru militar eta lau judu hil zituen. Poliziak hilaren 22an hil zuen Merah, Tolosan, tiroz.
