Gaddafiren indarren erasoak atzera botarazi ditu matxinoak Surten

Libiako Surt hiriaren erdialdean inguratuta daude Muammar Gaddafi koronelaren aldeko azken indarrak. Sarritan hiria «ordu gutxitan» kontrolpean izango zutela iragarri dute erreboltariek, baina une hori ez da iristen. Are gehiago, atzo Gaddafiren indarrek erasoaldi gogorra egin zuten, eta matxinoek atzera egin behar izan zuten. Koronelaren aldekoei «errenditzea edo hiltzea» beste aukerarik geratzen ez zaiela adierazi diete, baina, matxinoek.

Bitartean, Mutasim Gaddafi, koronelaren semeetako baten atxiloketa gezurtatu du Trantsiziorako Kontseilu Nazionalak, iragarri eta ordu gutxira. Gaizki ulertua izan dela adierazi du.