PORT-AU-PRINCE. Indarkeriak gora egin du Haitin. Azken sei hilabeteetan 400 pertsona baino gehiago hil edo desagertu dira Amerika Erdialdeko estatu horretan, Haitiko Giza Eskubideen Defentsarako Sare Nazionalak (RNDDH) berriki kaleratutako txostenaren arabera. 2022ko azarotik herenegun bitartean, herritarren aurkako zortzi eraso armatu izan dira gutxienez Port-au-Princeko metropoli eremuko lurraldea kontrolatzeko borroketan. Zibilen kontrako oldarraldien gorakadaren aurrean, giza eskubideen aldeko erakundeek azalpenak eskatu dizkiete agintariei.
Haitiko herritarren aurkako eraso armatuak eta sarraskiak areagotu egin dira nabarmen 2023 hasieratik. RNDDHk txostenean salatzen duenez, ehunka pertsona hil dituzte, eta dozenaka emakume gazte taldean bortxatu, herrialdearen Mendebaldeko eta Artiboniteko departamentuetan bereziki.
Krisi politiko eta humanitarioa dela eta, bost milioi pertsona —herrialdeko biztanleriaren erdia— gosete larrian daude. Egoerak, gainera, okerrera egin duela ohartarazi du NBEk.
Gaizkile taldeek 400 bat lagun hil dituzte Haitin azken sei hiletan
Herrialdea astintzen duen krisi politikoaren eraginez, borroka armatuak asko ugaritu dira hiriburuan
Iruzkinak
Ez dago iruzkinik
Ordenatu