Damasko, Alepo, Daraa, Homs, Latakia, Hama, Idlib eta Deir ez-Zor hirietatik iritsi dira bi aldeen arteko borroken albisteak, posizioak benetan ez dituztela ez batek eta ez besteak utzi ziurtatuz. NBEk bultzatako su-etenak, beraz, porrot egin du ia hasieratik.
Berriz ere aspaldian albiste diren hildakoak eta bonba-autoak nagusitu dira. Atzo Damaskon lehertu zen horietako bat alde zaharrean, eta beste bat, Deir ez-Zorren. Deir ez-Zorrekoa «terroristei» egotzi zien Sana agentzia ofizialak, eta bost pertsona baino gehiago hil zirela esan zuen. Siriako Armada Askearen aldeko behatokiak esan zuen, berriz, atzo 149 pertsona hil zituztela Sirian.
Saudi Arabiak, bestalde, hiru funtzionario siriar bota ditu Siriako Kontsulatu Nagusitik, herrikideei jazartzen zitzaizkielakoan, eta horrek Damaskoren haserrea areagotu du, eta bi herrien arteko krisia handitu.
Gatazka Siriako hiri nagusietara itzuli da
Damaskon eta Deir ez-Zorren bonba-auto bana leherrarazi dituzte, eta hainbat pertsona hil
Iruzkinak
Ez dago iruzkinik
Ordenatu
