GAZAKO GERRAREN URTEURRENA

Bi urte bete ziren atzo Israelek Berun urtua operazioa hasi zuenetik. 22 eguneko erasoaldian, 1.400 palestinar hil zituen Israelgo armadak, gehienak zibilak. Atzo, Al Fatak adiskidetzeko deia egin zion Hamasi, Gazari berriz ere eraso egiteko «mehatxua» egin baitu Israelek. Irudian, Jerusalemgo ekialdean palestinar gazteak Israelgo Poliziari aurre egiten, atzo. Agintariek palestinarren etxe bat hustu nahi dute, eta horren aurka protesta egitera atera ziren hainbat lagun.