Gazte bat atxilotu dute Oklahoman lehergailu batekin hegazkinera igotzen saiatu delakoan

FBI AEBetako ikerketa bulego federalak jakinarazi duenez, pertsona bat atxilotu zuten atzo Oklahoman, lehergailu bat zeramala hegazkin batera igotzen saiatu zelako ustean. 24 urteko gizonezkoa da atxilotutakoa, eta jakinarazi dutenez, guardia batek atzeman zion lehergailua X izpien makinan. FBIk esan duenez, ikerketa egiten ari dira oraindik, baina ez dute uste atxilotuak "talde terroristekin" zerikusirik duenik.