Bosniako Srebrenicako hirian 8.000 musulman hil zituzten ustez Ratko Mladic Bosniako Serbiar Errepublikako komandante ohiaren tropek 1995eko uztailean. Gaur hasi da Mladic bere burua defendatzen. 72 urte ditu.
Defentsak argudiatu du Mladic soldadu bat besterik ez zela eta aginduak betetzen zituela. Haren abokatuek "bere herrikideak defendatzeko borrokatu den abertzale" gisa deskribatu dute. 207 ordu izango dituzte Mladicen abokatuek hura defendatzeko; akusazioak izandako denbora bera, hortaz.
2011ko maiatzaren 26an atzeman zuten Mladic, Belgraden (Serbia), hamabost urtez ihes eginda egon eta gero. Bosnian gerra 1992 eta 1995 bitartean izan zen; 100.000 pertsona hil ziren, eta 1,8 milioik ihes egin behar izan zuten.
