Gerard Latortue abokatu eta ekonomilaria izendatu dute Haitiko lehen ministro

Gerard Latortue abokatu eta ekonomilaria izendatu dute Haitiko lehen ministro. Latortuek 69 urte ditu, eta zuzenbidea, hezkuntza eta ekonomia ikasketak egina da Haitin eta Frantzian. NBE Nazio Batuen Erakundeko Industria Garapenean egin du lan batik bat. Izendapena egin duen batzordeak Boniface Alexandre Haitiko behin-behineko presidenteari igorri dio erabakia, eta Alenxandrek gaur bertan izendatuko du ofizialki Latortue kargu horretarako.