Erreboltariek eta NATOk Muammar Gaddafiren bila eta haren aldeko indarrekin borrokan jarraitzen duten bitartean, gero eta kaskagarroak dira bizi baldintzak Libiako herritarrentzat, batik bat, Tripoli hiriburuan. Izan ere, azken egunetan borrokak areagotu direnetik, urik eta argindarrik gabe eta saneamendu sistema hondatuta daude hiriaren zatirik handienean. Gasolina eta bestelako erregaiak ere oso gai preziatuak bihurtu dira, janaria ere gero eta eskasagoa da, eta osasun zerbitzuak, murritzak. Horrek guztiak giza hondamendiaren beldurra piztu du.
Hori dela eta, NBE Nazio Batuen Erakundeak Libiara bake misioa bidaltzea proposatu du Ban Ki-moon idazkari nagusiak, hain justu, balizko hondamendi hori eragotzi eta "Libiako kaosa zuzentzeko". Segurtasun Kontseiluari egin dio proposamena, eta hark aztertu eta erabaki beharko du.
