Ginea Bissaura eta Malira tropak bidaliko dituzte

BISSAU. Ecowas Afrika Mendebaldeko Estatuen Erkidego Ekonomikoak Ginea Bissaura eta Malira tropak bidaltzea erabaki du, bi herrialdeetan izan diren estatu kolpeak direla eta. Militar matxinoek bi herrialdeetan boterea uzten ez badute zigorrak ezarriko dizkietela ere jakinarazi du Ecowasek. Tropen egitekoa trantsizioan zibilak babestea izango dela adierazi dute.