QUITO.Herritarren Iraultza alderdi ezkertiarreko hautagai Luisa Gonzalezek eskuratu zuen lehen postua igandean Ekuadorren egin ziren presidentetzarako hauteskundeen lehen itzulian. Botoen %33,25 lortu zituen hautagai correistak. Bigarren tokian, inkestek ziotenaren aurka, Demokrazia Ekintza Nazionaleko hautagai Daniel Noboa geratu zen, botoen %23,73rekin.
Bigarren itzulia urriaren 15ean egingo dute, eta 2006an gertatu zen bezala, correismoa eta Noboa familiako kide bat lehiatuko dira. Kasu hartan, Ekuadorko presidente ohi Rafael Correa eta Alvaro Noboa, egungo hautagaiaren aita, izan ziren bigarren itzulian. Correak irabazi zituen hauteskundeak.
Horrez gain, bi herri galdeketa ere egin zituzten Ekuadorren: bat, nazio mailakoa, Yasuni parke nazionalaren petrolio ustiapenari buruzkoa; bestea, Quiton meatzaritzaren ingurukoa. Herritarren gehiengoak erabaki du Yasunian petrolioa lurrazpian mantentzea eta Choco Andino natur erreserban meatzaritza debekatzea.
Gonzalez eta Noboa bozen bigarren itzulira Ekuadorren
Hautagai correistak botoen %33 lortu ditu presidentetzarako lehen itzulian; Noboak, %23
Iruzkinak
Ez dago iruzkinik
Ordenatu
