Bonba-auto bat lehertarazi dute gaur goizean Bagdaden, Al Amel auzi xiitan, eta gutxienez 25 lagun hil dituzte. 60 zauritu ere badira; haietako batzuk oso larri daudela esan dute polizia iturriek.
Azoka batean izan da atentatua, eta ondoko dendak ere kaltetu ditu.
Bagdaden bertan, Azamiya sunien auzoan, morteroak bota dituzte unibertsitate batera, eta lau pertsona hil eta 25 zauritu dira. Ikasleak klasean zeudela izan da erasoa.
Azamiyan bost kilometroko harresia eraikitzen ari dira, auzo hura babestu nahian. Suniek, baina, kritikak egin dituzte, "diskriminazioaren eta gorrotoaren harresia delako".
Irak
Gutxienez 25 lagun hil dituzte Bagdaden atentatu batean
Xiiten auzo batean bonba-autoa lehertarazi dute.
Iruzkinak
Ez dago iruzkinik
Ordenatu
