Ezbeharra
Gutxienez 30 lagun hil dira Pekinen, Urteberriko ospakizunetan jende-oldeak harrapatuta
Ilargiaren araberako urteberria ari dira ospatzen Txinan, eta ospakizun horietako batean, Pekindik hurbil, gutxienez 30 lagun hil dira jende-oldeak harrapatuta. Xinhua albiste agentziak zabaldu duenez, su-festen ikuskizun bati so jende multzo handia batu da zubi batean, eta pilaketa hartan harrapatuta hil dira 30 pertsona horiek. Lekukoen arabera, ehunka lagun zeuden ezbeharra gertatu den lekuan.
Pekin hiriburuaren inguru metropolitanoko Miyun herrian jazo da ezbeharra. Hango erietxeko iturriek argitu dutenez, jende artean itota edo zapalduta zendu dira gehienak. Lekukoen arabera, ezbeharra lazgarria izan da, eta izuak hartu du jende asko.
Iruzkinak
Ez dago iruzkinik
Ordenatu
