Xinjiang Uigur Eskualde Autonomoko hiriburua da Urumtxi. Xinhua Txinako albiste agentzia ofizialaren arabera, bi autok hainbat lagun harrapatu dituzte, eta lehergailu ugari bota dituzte kalera. Ondoren, ibilgailuek ere eztanda egin dute.
Poliziak gunea inguratu du, eta zaurituak erietxe batera eraman dituzte. Txinako Segurtasun Publikoko Ministerioak esan du erasoa "gertakari terrorista bat" izan dela, eta Meng Jianzhu Txinako Barne Segurtasuneko buruak erantsi du "terrorista bortitzen harrokeria desegin" egingo duela.
