Hego Koreako hego-ekialdeko Miryang hirian gertatu da sutea, gaur goizean. Suhiltzaileen arabera, arnas gaixotasunak dituztenentzako zaintza berezietako unitate batean piztu dira garrak, eta suhiltzaileak iritsi direnerako suak hartuta zegoen ospitaleko lehenengo solairua. 37 hildakoez gain, gutxienez beste 130 lagun zauritu dira.
Hego Korean azken hamarkadan gertatutako sute larriena izan da. Iazko abenduan 29 lagun hil ziren Seul hiriburuan gertatutako beste batean.
