Bagdaden hainbat leherketa izan dira bonba-autoz, xiitak gehiengoak diren auzoetan. Hildakoen kopuruaren dantza dago, baina dozena bat baino gehiago dira, eta zaurituak beste horrenbeste.
Baqubako herri batean izan da, ordea, gaurko larriena, Shatuben. Bonba bat leherrarazi dute denda batean, omenaldia egiten ari zitzaiela duela bi egun hil zen gobernuaren aldeko miliziano sunita bati.
Iazko urtea AEBek 2003an Irak inbaditu zutenetik bortitzenetakoa izan da. Iraq Body Count erakundearen arabera, 9.500 bat zibil hil ziren atentatuetan. 2008an ere gutxi gorabehera kopuru horiek eman zituzten, inbasioaz gero gerra zibilaren unerik gogorrenean.
