Segurtasun indarren arabera, gutxienez 60 hil dira Bagdadetik gertu dagoen Hilla hirian egindako atentatuan. Iturri ofizialen esanetan, ekintzaileek erregaiz betetako kamioi bat zartarazi dute kontrol postu baten ondoan. Leherketaren unean dozenaka lagun zeuden inguruan; ondorioz, ohartarazi dute biktima kopuruak gora egin dezakeela datozen orduetan.
Estatu Islamikoak bere gain hartu du erasoa.
Azken hilabeteetan ugaritu egin dira atentatuak Iraken, eta ehundik gora hildako utzi dituzte. Estatu Islamikoa izan da eraso horietako gehienen erantzulea.
