Gutxienez 80 lagun hil dituzte Kirkuken bi atentatutan

Bi atentatu izan dira gaur goizean Kirkuk-en (Irak), eta gutxienez 80 lagun hil dituztela esan dute polizia iturriek. Zaurituak 170 dira.

Eraso bat azokan izan da, kamioi-bonba bat lehertarazita azoka batean; suizida batek gidatu du kamioia azokan zeuden herritarren kontra. Bestea, Kurdistango Aberri Batasuna alderdiaren egoitzaren atarian, auto-bonba bat eztandarazita, beste atentatua gertatu eta hogei minutura. Hildako gehien aurreneko erasoan izan dira (ez dute esan zenbat).

Bagdadetik 250 kilometrora dago Kirkuk, Iraken iparraldean.