Gutxienez 86 lagun hil dituzte Madagaskarren

ANTANANARIVO. Madagaskar hego-ekialdeko Anosy eskualdean ganadua lapurtzen zuten 86 lagun inguru hil dituzte bertako herritarrek. Anosyko gobernadore Guy Venance Randriatefiarisonek adierazi du «mendekua hartzearren» hil dituztela abeltzainek lapurrak. Izan ere, lapur horiek 1.000 abelburu inguru lapurtu dizkiete oraintsu ganaduzaleei fusilekin eta ehizarako errifleekin.