Gutxienez bederatzi lagun hil dira Sirian bi erasotan

DAMASKO. Gutxienez bederatzi lagun hil eta ehun zauritu ziren atzo Siriako Idlib hirian izandako bi leherketaren ondorioz. Hildakoen artean zibilak zein poliziak daude, Siriako telebista publikoaren arabera. Damaskok «talde terroristei» egotzi die erasoa. Herrialdera Robert Mood NBEren begirale misioaren arduradun berria iritsi eta ondorengo egunean izan da erasoa.