Gutxienez beste 22 lagun hil dira Iraken, bi atentatu suizidatan

Bi atentatu suizida izan dira gaur goizean Irakeko Tel Afar hirian, eta gutxienez, 22 lagun hil dira eta 27 dira zaurituak.

Polizia iturriek agertu dutenez, 11:30ak inguruan (09:30 Euskal Herrian) ekintzaile suizida batek bonba-auto bat lehertarazi du Maarid auzoan, hiri erdialdean. Beste ekintzaile suizidak, berriz, gorputzera itsatsitako lehergaia zartarazi du jendez beteta zegoen kalea batean. 22 lagun hil dira eztanda horietan, eta 27 bat dira zaurituak.

Turkiarrak, kurduak, sunitak eta xiitak bizi dira Tel Afarren eta oso hiri liskartsua da.