Bart goizaldeko dardararen eraginez, gutxienez mila etxebizitza hondatu dira. Haren ondotik etorri dira beste hamabi lurrikara, 3,8 eta 5,4 gradu artekoak, bi orduko tartean.
Txileko Unibertsitateko Sismologia Zerbitzuko zuzendariorde Mario Pardok jakinarazi duenez, 120 aldiz egin du dardara lurrak astearte gauaz geroztik. Bart gauekoaren ondoren, tsunami alerta eman eta kostaldean bizi den jendea joanarazi dute. Ordu batzuk geroago, ordea, etxera itzul daitezkeela azaldu du Rodrigo Peñailillo Barne ministroak.
8,2 graduko lurrikararen ondorioz sei lagun hil eta kalte material handiak sortu ziren.
