Ekialde hurbila
Gutxienez bi palestinar hil eta beste zortzi zauritu dituzte Israelgo soldaduek Gazan
Gutxienez bi palestinar hil eta beste zortzi zauritu dituzte Israelgo soldaduek Gazan, Rafako errefuxiatu gunearen aurka misil bat jaurti dutelako israeldarrek 'Apatxe' motako helikoptero batetik. Lekukoen arabera, gutxienez 20 tanke eta beste zenbait ibilgailu militar sartu dira Rafan, Gaza eta Israel artean mugan. Militarrak kaleetan barreiatzen ziren bitartean, beste batzuk etxe palestinarrei tiroz erasotzen aritu dira. Iturri horien arabera, ekintzaile palestinarren bila sartu da Israelgo armada errefuxiatu eremura.
Israelgo Gobernuak plan bat onartu zuen iragan astean Israelgo Ashod portuan Al Fatah eta Hamas erakundeetako ekintzaileek egin zuten atentatu suizidaren ondoren. Eraso hartan hamar israeldar hil ziren, portuko langileak guztiak. Israelek Rafan egin duen erasoaren ondoren, Gazako erietxeek larrialdi egoera deklaratu dute, litekeena delako zauritutako palestinar ugari iristea erietxeetara.
Iruzkinak
Ez dago iruzkinik
Ordenatu
