Okzitaniako Carcasona inguruko herrietan gutxienez hamabi pertsona hil eta zortzi zauritu ziren igande gauean eta astelehen goizean, uholdeen ondorioz. Edouard Philippe Frantziako lehen ministroa Aude departamentura joan da, eta handik eman du egoeraren berri, Alain Thirion prefetarekin batera: Trebesen zazpi pertsona hil dira, bi Villegailhencen, bi Villalierren eta beste bat Villardonnelen.
Gainera, prefeturaren eledun baten arabera, pertsona bat desagertuta dago atzodanik. Denera, astebetean 26 herritar hil dira Mediterraneoan, Okzitanian, Herrialde Katalanetan, Italian eta Espainian izandako uholdeetan.
