Irakeko atentatuen sokak ez du etenik. Gaur goizean eraso handi bat gertatu da Mosul hirian —Bagdad hiriburutik 365 bat kilometrora—: bonba-auto bat lehertarazi dute Irakeko Poliziaren bulego baten atarian, eta, gutxienez, hamar dira hildakoak, eta 45 bat zaurituak. Polizietxea soldata jasotzera joandako poliziaz beteta zegoen, baina, hala ere, hildakoetako gehienak ondoko geltoki batean autobusaren zain zeuden zibilak dira.
Mosulen tentsio handia bizi da komunitate kurduaren eta suniaren artean.
Halaber, beste eraso bat ere izan da gaur Iraken: Kirkuk eta Tikrit hiriak batzen dituen errepidean lehergailu bat eztandarazi dute AEBetako Armadaren konboi bat igarotzen ari zen unean. Ondorioz, hiru soldadu estatubatuar hil dira.
Iraken inbasioaren ondorena
Gutxienez hamar lagun hil dira Mosulen, bonba-auto bat lehertzean
Bonba-auto bat eztandarazi dute gaur goizean Irakeko Mosul hirian, polizietxe baten atarian, eta, gutxinez, hamar pertsona hil ditu. Zaurituak, berriz, 45 bat dira. AEBetako iturri militarrek agertu dutenez, hildakoetako gehienak zibilak dira; hots, ondo-ondoko geltoki batean autobusaren zain zegoen jendea. Beste eraso batean, Kirkuk eta Tikrit hirien arteko errepidean, hiru soldadu estatubatuar hil dituzte.
Iruzkinak
Ez dago iruzkinik
Ordenatu
