Igdir probintzian izan da atentatua. Gobernuko iturriek zabaldu dutenez, ekintzaileek lehergailu bat zartarazi dute Poliziaren autobus baten aurka, eta gutxienez hamar lagun hil dituzte.
Goizaldean, bestalde, Turkiako armadak Irakeko iparraldea bonbardatu du, PKKren aurkako erasoaldian. Hain zuzen ere, Turkiako lehen ministro Ahmet Davutogluk ohartarazi du ez direla geldituko "PKK erabat suntsitu arte". Gerrillak asteburuan hamasei soldadu hil ondoren egin ditu gobernuburuak adierazpenok.
Joan den uztailean bertan behera geratu zen gerrillaren eta gobernuaren arteko su-etena, Ankarak PKK-k Irak iparraldean dituen base militarrak bonbardatu ostean.
