Gutxienez zortzi palestinar hil ditu Israelgo armadak Gazan egin duen operazioan

Israelgo armadako soldaduak Gaza hiriko hegoaldean dagoen Zeitune auzora sartu dira gaur goizean, eta gutxienez zortzi palestinar hil dituzte. Iturri palestinarrek diotenez, goizaldeko lehen orduan hasi dira enfrentamenduak, Israelgo militarrak hondeamakinekin eta tankeekin sartu direnan Zeitune auzora. Palestinarrek aurre egin diete militarrei. 'Shifa' erietxearen arabera, bost lagun eman dituzte zaurituta, baina beste iturri batzuk hamar direla esan dute. Israelgo armadak adierazi duenez, ez da militarrik hil eta operazioa palestinarrek erasoei aurre egiteko egin dute. Jihad Islamikoak baieztatu du hildako bost kide euren mugimenduko kideak zirela, eta berehala "mendeku" hartuko dutela.