Myanmarreko prentsaren arabera, gutxienik 88 lagun hil eta 330.000 kaltetu dira herrialdea jasaten ari den euriteen ondorioz. Uztaileko montzoi-euriei Komen zikloia batu zaie, eta Myanmarreko 14 barrutietatik 12 urak hartuta daude. Ondorioz, 85.400 lagun inguruk beren bizitokia utzi behar izan dute, 11.000 etxe suntsitu egin dira eta 900 kilometro koadro soro hondatu dira.
Ondorio kaltegarri larrienak Myanmar ekialdean izan dira, Rakhine estatuan. Bertan errefuxiatu kanpalekuetan bizi baitira rohinya etniako 100.000 lagun inguru. Haietako 55 hil dira uholdeen ondorioz.
Myanmarreko agintariek nazioarteko laguntza eskatu dute egoerari aurre egiteko.
