Leherketa
Gutxinez 42 lagun hil dira Txinako tunel batean izandako leherketan
Gutxienez 42 lagun hil eta 11 zauritu dira Txinan, tunel batean izandako leherketaren ondorioz. Sechuan probintzian eraikitzen ari diren errepide bateko tunelean gertatu da ezbeharra, antza denez gasak eraginda.
“Lehen ikerketen arabera gasak eragindako leherketa bat gertatu da, baina oraindik ezin dugu zehaztu”, adierazi du industria segurtasunerako arduradunak. Zehaztu duenez, hildako gehienak errepidea eraikitzen ari ziren langileak dira. Hildako kopurua zehazten ari dira eta oraindik ez dituzte salbamendu lanak amaitu. Azken asteetan ehunka meatzari hil dira Txinan hainbat meategitan izandako istripuetan. Gaur bertan, Txinako Gobernuak istripu horien arduradunen aurka hartutako neurriak jakinarazi ditu. Besteak beste, bi gobernadoreorde kargutik kendu dituzte.
Iruzkinak
Ez dago iruzkinik
Ordenatu
