Hainbat legeren onarpena zintzilik geratuko da

Hogei lege inguru Espainiako Kongresuaren behin betiko onarpenaren zain daude. Hauteskundeen aurrerapenak eta Gorteen deuseztatzeak, ordea, guztiak onartzeko denborarik gabe utziko dute gobernua. Horietako zenbait onartzeko prozedura ezberdinak erabiliko ditu gobernuak. Bideratze prozesuan dauden legeen erdiak batzordean onartuko dira. Eskumen osoa dute, eta ez dute onarpenerako osoko bilkuraren beharrik. Beste batzuk, berriz, premiazko prozeduraren bitartez bideratuko dituzte. Presazko legeen artean daude lan ikuskaritzaren erreformarena, kontsumitzaileen arreta zerbitzuak arautzen dituena eta Sektore Elektrikoaren Legea.