The Telegraph egunkariaren atariak eman du leherketaren berri, eta, lehen datuen arabera, Parsons Green metro geltokian gertatu da, Wimbledon inguruan. Zuzeneko irudiak (The Telegraph; jarraitu irakurtzen bideoaren ondoren):
Londresko Poliziak jakinarazi du sare sozialetan "gertakari" bat izan dela metro geltoki horretan, eta han dituela poliziak. Anbulantziak eta suhiltzaileak ere iritsi dira, eta ingurua itxi dute.
Leherketa kubo batean gertatu omen da, trenaren atzeko aldean. Bidaiariek zauriak aurpegietan dituztela dio The Telegraph-ek, eta ihesi atera direla korrika. Ihesaldi horretan ere zauritu dira batzuk.
