Hegazkin batek Errusian izan duen istripuaren ondorioz, hamabi militar hil dira bart gauean. Hegazkinean zihoazen guztiak, eta ez da inor bizirik atera. Errusiako Fiskaltzak baieztatu duenaren arabera, hildakoak pilotuak ziren, bi eskifaiatako kideak.
AN-22 hegazkin batean zihoazela izan dute istripua, Moskutik 370 bat kilometro hegoaldera. Oraindik ez dute istripuaren nondik norakoaren azalpenik eman, baina Voronezh (Errusia) herritik abiatu zen atzo, Tver-era joateko (Errusia). Radarrek haren arrastoa 21:30ean galdu zutela jakinarazi du Errusiako Defentsa Ministerioak. Gaur goizaldean aurkitu dituzte ibilgailuaren hondakinak, Krasni Oktiabr (Errusia) herrixka inguruan.
mundua
Hamabi militar hil dira Errusian hegazkin istripu baten ondorioz
Guztiak pilotuak zirela baieztatu du Errusiako Fiskaltzak. Atzo 21:30ean galdu zuten hegazkina radarrean, eta gaur goizean aurkitu dituzte hondakinak.
Iruzkinak
Ez dago iruzkinik
Ordenatu
