Arrazaren Boluntarioen Indarra (RVF) erakundeko 20 eta 30 urteko bost kideri hamabost urteko kartzela zigorra ezarri zien atzo Londresko epaitegi batek, arrazakeria bultzatzeagatik. Bost gazteek Stormer izeneko aldizkari bat argitaratzen zuten. Haren bidez, «neguko gau hotzei aurre egiteko, juduei su ematera» animatzen zituzten irakurleak.
Material arrazista sortu eta banatzea leporatuta kartzelatu zituzten bostak. Beste gazte bati, berriz, bederatzi hilabeteko kartzela zigorra ezarri zioten, arrazakeriara bultzatzen zuten afixak edukitzeagatik. Aldizkarietako batean David Copelanden hilketak goraipatzen zituzten. Copelandi bizi osorako kartzela ezarri zioten, gutxiengo etnikoen eta homosexualen aurkako bonba erasoak egiteagatik.
ERRESUMA BATUA
Hamabost urteko kartzela zigorra ezarri diete bost neonaziri, arrazakeriagatik
Iruzkinak
Ez dago iruzkinik
Ordenatu
