Alpeetako Maggiore Lakuko Stresa eta Mottarone estazioen arteko teleferikoaren kabina bat amildu zen atzo, eta hamalau pertsona hil ziren. Kabinari eusten zion kablea apurtu zen, baina segurtasun sistemek ez zuten funtzionatu, Carabinieriren arabera.
Baso batean erori zen kabina. Lekukoek esan dutenez, soinu ozen bat entzun zen, eta kabinak atzera egin zuen azkar. Gero, teleferikoen zutabea jo zuen, eta amildu.
Bi haur bizirik erreskatatu zituzten, 9 eta 5 urtekoak, eta Turingo erietxe batera eraman zituzten. Horietako bat hil egin zen handik gutxira, eta bestea hil edo bizi dago.
>Erreskate lanen une bat.Italiako suhiltzaileak>
Kabina helmugatik 300 metrora zegoela gertatu zen ezbeharra, ibilbidearen punturik altuenetako batean. Hildako kopurua handiagoa izan zitekeen. Izan ere, normalean, halako kabinek 40 pertsona eraman ahal dituzte, baina, koronabirusarengatik harturiko neurriengatik, hamabost pertsona bakarrik eraman zezakeen.
Teleferikoa 2014. urtean itxi zuten goitik behera aztertzeko, eta 2016ko abuztuan zabaldu zuten berriz. Berritzeko lanetan lau milioi euro gastatu zituzten.
Italiako gobernuburu Mario Draghik «samin handia» adierazi zuen atzo.
>Bi haur zauriturik atera zituzten hondakinetatik. Horietako bat erietxean hil zen gero.Italiako Suhiltzaileak>
