Hamar hautagai egongo dira Frantziako bozetan

PARIS. Atzo bukatu zen Frantziako presidentetzarako hauteskundeetarako hautagaitza aurkezteko epea. 500 kargu publikoren sinadurak aurkeztu behar izan ditu hautagai bakoitzak, eta Dominique de Villepin lehen ministro ohiak, esaterako, ez du horrenbesteko babesik lortu. Justiziak astelehenean onartuko ditu ofizialki apirilerako bozetarako hautagaiak. Nicolas Sarkozy kontserbadorea eta François Hollande sozialista dira faboritoak.